രാജ്യം: കടവന്ത്ര
നക്ഷത്രം: അശ്വതി അല്ലെങ്കില്ല് ബിനി
അടയാളം: വല
ഈ ദുനിയാവില് അവശേഷിക്കുന്ന ഒരേയൊരു വെജിറ്റേറിയന് തീവ്രവാദി. മൂട്ടകളുടെ വര്ഗ ശത്രു. അഞ്ചില് പഠിക്കുമ്പോള് അമ്പതു ഇഡലി തിന്നു വീട്ടുകാരെ ഞെട്ടിച്ച അത്ഭുത ബാലന്. പിന്നീടുള്ള ഓരോ ചുവടുവെപ്പും തറവാടിന്റെ അടിത്തറ ഇളക്കി. മൂട്ടകളെ തൂക്കിക്കൊല്ലല്, അടുപ്പിലിട്ടു ചുട്ടു കൊല്ലല്, ഷേവിംഗ് ക്രീം ഹെയര് ജെല് എന്നിവയില് മുക്കിവെച്ച് അഴുകിച്ചു കളയല് എന്നിങ്ങനെ നൂതന മൂട്ട നിര്മാര്ജ്ജന രീതികളില് ഗവേഷണമായിരുന്നു താല്പര്യം. നിലവിലുള്ള വിദ്യാഭ്യാസ സമ്പ്രദായം കുഞ്ഞു വലവാസുവിനു മുന്നില് മുട്ട് മടക്കി. അപ്പ്ഫന് നമ്പൂരി പ്രശ്നം വെച്ചപ്പോള് കൊച്ചിയില് ഒരു കോഴ്സ് തെളിഞ്ഞു കണ്ടു, ഉടനെ കയറ്റി വണ്ടി കൊച്ചിയിലേക്ക്. പിന്നിട്ട വഴിയിലെവിടെയോ കാലില് തറച്ച ഫോര്ടി ഗാര്ഡ് എന്ന മുള്ളിനെ യുട്യൂബ് വെച്ച് പറിച്ചു മാറ്റിയതില് പിന്നെ ഒടുക്കത്തെ യാത്രയായിരുന്നു. യു ജി സി മുതല് സനലേട്ടന് വരെയുള്ളവര് വാസുവിന്റെ ചങ്കുറപ്പിനു മുന്നില് ആയുധം വെച്ചു. ഊണും ഉറക്കവും ഒഴിഞ്ഞ നേരത്ത് അല്പ്പം വിശ്രമിക്കും. അല്ലാത്ത സമയത്ത് തടിയന്റവിട നസീരുമായി ഒരു ചര്ച്ച, ഒരു കൂടിക്കാഴ്ച, ഒരു പദ്ധതി ഇത്യാദികള്. സ്വസ്ഥം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ